یاامیرالمومنین حیدر
یدالله حق رحمان علیدی
قرانلیخدا مه رخشان علیدی
طریقت آختاریرسان اولماغافل
چراغ رهرو عرفان علیدی
سوار اول زورق امن ولایه
هراس ائتمه که کشتیبان علیدی
علی اعمالیوه سرلوحه اولسون
یقین محشر گونی میزان علیدی
یازوب تاریخ یکسر غیرتیندن
مراد و مرشد مردان علیدی
نماز اوستونده ده ایلر کرامت
یگانه خسرو خوبان علیدی
حقیقت اهلی هرشاهی بینمز
ولایت اهلینه سلطان علیدی
جهنمدی یری کیم دانسا حقین
عیار مطلق ایمان علیدی
خوارج گر ورا قران جدایه
توجه ایلمه قران علیدی
حریفین گورمدی تاریخ یازانلار
یل نام اور میدان علیدی
اولوبدی لیلی لر مجنون بو شاهه
خدایه آند اولا جانان علیدی
خرابات اهلینه پیرخرابات
بلی ساقی سرمستان علیدی
اگر حل اولمیان وار مشکلاتین
اینان حلال هر بحران علیدی
داریخما گرجواب ائتسه اطبا
دواسیز دردلره درمان علیدی
مسلمان امامیم مرتضادور
تشیع پیکرینده جان علیدی
جهاندا فخر ایله ای اهل ایران
ولی نعمت ایران علیدی
اولوبسان طائرا کاتب بو شعره
قلم الده به فرمان علیدی
تقریر ۱۸ ابان ۹۹
- جمعه
- 29
- بهمن
- 1400
- ساعت
- 23:1
- نوشته شده توسط
- طائر
- شاعر:
-
طائر اورنگی
ارسال دیدگاه